सप्तरीको छिन्नमस्ता गाउपालिकाकाे सखडामा भएको आगलागीमा १६ लाख भन्दा बढीको क्षति

गामघर डेस्क

राजविराज ।
सप्तरीको छिन्नमस्ता गाउपालिका वडा न.३ सखडमा भएको आगलागीमा ९ वटा घर जलेर नष्ट हुँदा झन्डै १६ लाख भन्दा बढीको क्षति भएको छ ।
स्थानीय गंगाराम साहको २, नीजको जेठो छोरा राम कुमारको ५ तथा कान्छो छोरा विन्दुकुमारको २ गरी ९ वटा घर पुर्णरुपमा जलेर नष्ट भएको हो ।
घर नजिकै रहेको बाँसघारीमा लागेको आगो बाबु छोराको लस्करै रहेका घरहरुमा विद्युतिय गतिमा फैलिदा भाडाँकुडा, खाद्यन्न, फर्निचर, मोबाईल, टेलीभिजन, गरगहना र नगदका साथै टिनको छानो भएको ९ वटै घर जलेर नष्ट भएको पिडीतहरुले जानकारी दिएका छन् ।
राम कुमारकी पत्नी कंचनदेवीले फलामे दराज भित्रका गरगहना र नगद समेत सबै जलेर नष्ट हुदा आफुहरुको विचल्ली भएको सुनाईन । आगलागीले उनको मात्रै ९ लाख २५ हजार बराबरको क्षती भएको छ ।
यता स्थानीयवासी, प्रहरी तथा बारुणयन्त्रको सहयोगमा नियन्त्रण लिएको प्रहरीले जनाएको छ ।

प्रकाशित मिति: २०२४-०४-०३ , समय : २१:४०:५५ , ९ महिना अगाडि