मधेस प्रदेश : बागमतीमा एक युवकको वेवारिसे शव फेला

गामघर डेस्क

जनकपुर
जनकपुरधाम । मधेस प्रदेशको सर्लाहीको बागमती नगरपालिका वडा न.१ मा एक युवकको वेवारिसे शव फेला परेको छ।

चुरेमा पर्ने बागमती नदी छेउको जंगल क्षेत्रमा शुक्रबार साँझ वेवारिसे शव फेला परेको हो। बागमती १ ढोपबाट हिरेडाँडा जाने सडकदेखि झण्डै सात सय मिटर पूर्वतर्फ खोल्सीमा अन्दाजी ३५ वर्षको जस्तो देखिने युवकको शव फेला परेको इलाका प्रहरी कार्यालय हरिवनका प्रहरी निरीक्षक (इन्सपेक्टर) अनिल गिरीले जानकारी दिए।

‘शव सडिसकेको छ। करिब एक साता अघि नै मृत्यु भएको जस्तो देखिने शवको सनाखत हुन सकेको छैन,’ इन्सपेक्टर गिरीले भने, ‘शव परीक्षणको लागि हामीले शुक्रबार राति नै प्रादेशिक अस्पताल मलंगवा पठाएका छौँ।’

प्रकाशित मिति: २०२४-०३-३० , समय : १२:२६:५१ , 1 year अगाडि