झण्डै दुई सातापछि नेपाल पत्रकार महासंघ सप्तरीमा लगाइएको ताला निवेदन दिएर खोल्यो

गामघर डेस्क

राजविराज ।
नेपाल पत्रकार महासंघमा लगाएको तालावन्दी आन्दोलन पक्षले अध्यक्ष श्रवण देवलाई एक निवेदनपत्र बुझाउदै आजदेखि ताला खोलि दिएका छन् ।
पत्रकार महासंघ शाखा सप्तरीले सदस्यता सुद्घिकरणमा परेका पिडित पत्रकारहरुले विभिन्न मागं राखि गत फाल्गुन २४ गते महासंघमा तालावन्दी गरेका थिए ।
आन्दोलनरत पक्षका तर्फबाट मनोज कुमार माझी, रमण देव र शिव नारायण साह (सुरज) ले हस्ताक्षर गरेका पत्र आइतबार महासंघका अध्यक्ष देवलाई बुझाउँदै आन्दोलनका कार्यक्रम फिर्ता लिएको भन्दै साहले महासंघमा लगाएको ताला खोलेका थिए। आन्दोलन पक्षले बुझाएको निवेदनपत्रमा आफुहरुले उठाएको माग यथावत राखि तत्कालका लागि तालावन्दी कार्यक्रम फिर्ता लिएको जनाएका छन् ।
आन्दोलन पक्षले महासंघमा बुझाएको ज्ञापनपत्रमा सुध्दिकरणको नाममा पक्षपात गरि आफुहरुको नाम हटाउने सुचीमा राखेकोले अविलम्ब निर्णय फिर्ता लिनुपर्ने, साधारणसभाको मिति घोषणा गरि शाखामा कायम सम्पुर्ण सदस्यहरुलाई सहभागी गराउनुपर्ने र योग्यता पुगेका पत्रकारहरुलाई नयाँ सदस्यता प्रदान गर्नुपर्ने ३ सुत्रीय माग राखी हटाउने सुचीमा नाम समबेश गरिएका पत्रकारहरुले गत फागुन २४ गते पत्रकार महासंघ शाखा सप्तरीको कार्यालय राजविराजमा तालाबन्दी गरेका थिए ।

प्रकाशित मिति: २०२४-०३-२४ , समय : २१:२६:२१ , 1 year अगाडि