कोशी प्रदेश : होली खेलेर नुहाउन गएका तीन बालबालिका सुनकोशीमा बेपत्ता

गामघर डेस्क

उदयपुर । कोशी प्रदेशको उदयपुरमा होली खेलेर नुहाउन गएका तीन बालबालिका सुनकोशीमा डुबेर बेपत्ता भएका छन् ।
बेपत्ता हुनेहरूमा उदयपुर त्रियुगा नगरपालिका–१४ साउनेका मोहनबहादुर मगरका १२ वर्षीय छोरा लोकबहादुर मगर, केदार मगरका नौ वर्षीय छोरा रिदम मगर र रुद्र पुलामी मगरका १२ वर्षीय छोरी रेखा मगर रहेका छन् । उनीहरू रङ खेलेर नुहाउन सुनकोशी गएका थिए ।

उनीहरूसँगै कोशीमा डुबेका रुद्र पुलामी मगरका छोरा लोकचन्द्र मगर र हरिबहादुर मगरका छोरी प्रश्ना मगरलाई भने स्थानीयले उद्धार गरेका छन् । यता प्रहरीले बेपत्ता बालबालिकाको खोजी गरिरहेको छ ।

प्रकाशित मिति: २०२४-०३-२४ , समय : २०:०६:४४ , ९ महिना अगाडि