सप्तकोशी नदीकाे डुंगाबाट अबैध गाँजा तस्करी : झण्डै १६४ किलो गाँजा बरामद
मिति: २०२४-०३-२० , समय : १३:४२:१३ , गामघर डेस्क
तस्बिर : सामाजिक सन्जालबाट
गामघर डेस्क
राजविराज । पछिल्लोपटक सप्तकोशी नदीकाे डुंगाबाट अबैध गाँजा तस्करी भइरहेको खुलासा भएको छ । साेहि क्रममा सप्तकोशी नदीबाट डुंगामा ओसारपसार गरिरहेको १६४ किलो गाँजा बरामद भएको छ ।
सशस्त्र प्रहरी बल नेपाल सुरक्षा बेश चतराले मंगलबार राति साढे एक बजे सुनसरीको बराहक्षेत्र नगरपालिका वडा न.१ स्थित सप्तकोसी नदीबाट उक्त गाँजा बरामद गरेको हो ।
५/६ जनाको समूहले डुंगाबाट गाँजा निकाल्दै गरेको अवस्थामा गाँजा बरामद गरिएको सह प्रवक्ता डीएसपी शैलेन्द्र थापाले जानकारी दिए ।
यता नियन्त्रणमा लिएको गाँजा थप अनुसन्धानका लागि इलाका प्रहरी कार्यालय महेन्द्रनगर चक्रघट्टीमा बुझाइएको थापाले बताए ।
गाँजा तस्करीमा संलग्न व्यक्तिहरू भने भागेको सशस्त्रले जनाएको छ ।
यता सशस्त्र प्रहरी बल नेपाल नं ४ गणले फागुन १ गतेदेखि हालसम्म एक एम्बुलेन्ससहित ५६४.४७५ किलो गाजा बरामद भएको छ ।
प्रकाशित मिति: २०२४-०३-२० , समय : १३:४२:१३ , ९ महिना अगाडि
