राजविराजमा आगलागीबाट ३० लाख बराबरको क्षति

गामघर डेस्क

राजविराज । सप्तरीको राजविराजस्थित रुपनी रोडमा रहेको कृष्णा लेडिज एन्ड जेन्स टेलर्समा भएको आगलागीबाट क्षति भएको छ ।

आगलागीबाट उक्त टेलर्समा रहेका १९ वटा कपडा सिउने मेसिन, चारवटा विद्युतीय मेसिन र ग्राहकले सिउन दिएका कपडासहित ३० लाख बराबरको क्षति भएको टेलर्स सञ्चालक रोहितकुमार साहले जानकारी दिए। आगलागीको कारणबारे कुनै जानकारी प्राप्त भएको छैन ।

यता स्थानीयवासी, प्रहरी र राजविराजबाट आएका बारुणयन्त्रको सहयोगमा आगो निभाइएको थियो । साे घटनाबारे अनुसन्धान भइरहेको जिल्ला प्रहरी कार्यालयले जनाएको छ ।

प्रकाशित मिति: २०२४-०३-१७ , समय : ०७:०३:४१ , १० महिना अगाडि