सरकारले दर्ता गर्याे बेपत्ता पारिएका व्यक्तिको छानबिन र सत्य निरूपणसम्बन्धी विधेयक
मिति: २०२३-०३-०९ , समय : १९:१३:५४ , गामघर डेस्क
फाइल फाेटाे
गामघर डेस्क
काठमाण्डाै । सरकारले बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग ऐन २०७१ लाई संशोधन गर्न बनेको विधेयक सङ्घीय संसद् सचिवालयमा दर्ता गरेको छ ।
सरकारले आज बिहीवार बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग ऐन २०७१ लाई संशोधन गर्न बनेको विधेयकलाई सङ्घीय संसद् सचिवालयमा दर्ता गरेको हो । न्युज एजेन्सी नेपालसँग कुराकानी गर्दै सङ्घीय संसद् सचिवालयका सहायक प्रवक्ता दशरथ धमलाले दर्ता भएकाे विधेयक सङ्क्रमणकालीन न्यायलाई व्यवस्थापन गर्नका लागि बनेको स्पष्ट पार्नुभयो ।
मन्त्रिपरिषद्को आजै बिहीवार बसेको बैठकले विधेयकलाई संसदमा दर्ता गर्ने निर्णय गरेको थियो । सहायक प्रवक्ता धमलाले विधेयक दर्ता भएको दुई दिनभित्रमा प्रतिनिधि सभाका सबै सदस्यहरूलाई वितरण हुने जानकारी गराउनुभयो । उहाँले विधेयक दर्ता भएको पाँच दिनपछि बस्ने जुनकुनै संसद् बैठकमा पेस हुने उल्लेख गर्नुभयो ।
सचिवालयमा दर्ता भएको विधेयक संसदमा अगाडि बढाउने विषय राजनीतिक विषय भएको उल्लेख गर्दै उहाँले सभामुखले राजनीतिक दलहरूसँग छलफल गरी आउँदा दिनमा प्रतिनिधि सभाको बैठकमा पेस हुने बताउनुभयो । उज्यालो अनलाइनबाट
प्रकाशित मिति: २०२३-०३-०९ , समय : १९:१३:५४ , २ वर्ष अगाडि
