मधेस प्रदेश : घाँस लिन गएकी पत्नीको हँसियाले घाँटी रेटेर हत्या

गामघर डेस्क

राजविराज ।
मधेस प्रदेशको सिरहामा घाँस लिन गएकी आफ्नै पत्नीको पतिले हँसियाले घाँटी रेटेर हत्या गरेका छन् । सिरहाका सिरहा नगरपालिका ६ विष्णुपट्टीकी ४५ वर्षीया निर्मला साहको पति रामउदगार साहले हत्या गरेका हुन् ।

सिरहाका एसपी सन्तोष आचार्यका अनुसार घाँस लिन कमला नदीको बगरतिर गएकी निर्मलाको आज अपराहन्न ४ बजेतिर घाँटी रेटेर हतया गरेका हुन् । घटना लगतै पति रामउदगारलाई पक्राउ गरेर थप अनुसन्धान गरिरहेको एसपी अचार्यले बताए ।

यसअघि शुक्रबार राति सिरहाको गोलबजार नगरपालिका ६ की ३५ वर्षीय अनिताकुमारी साहको राति हत्या भएको थियो । सुतेकै कोठामा सिलौटाको लोढा (ढुंगा) र घरेलु हतियार प्रहार गरी उनको हत्या भएको अवस्थामा शव फेला परेको थियो ।

प्रकाशित मिति: २०२४-०३-१० , समय : २१:२८:३४ , ९ महिना अगाडि