आगलागीमा परी इटहरीमा एक महिलाको मृत्युु

गामघर डेस्क

राजविराज ।
कोशी प्रदेशको सुनसरीको इटहरीमा आगलागीमा परी एक जनाको ज्यान गएको छ । सुनसरीको इटहरी उपमहानगरपालिका वडा नम्बर ६ का ५२ वर्षकी गोपीमाया कटुवालको ज्यान गएको सुनसरीका प्रहरी नायब उपरीक्षक नवीनकृष्ण भण्डारीले जानकारी दिनुभयो ।

स्थानीय विष्णु खड्काको घरमा गएराति भएको आगलागीमा कटुवालको ज्यान गएको हो । छोरा–बुहारीसँग डेरामा बस्दै आउनुभएकी कटुवाल सुतेको कोठाका झ्यालढोका भित्रबाट बन्द रहेकोले आफैँले आगो लगाएको हुनसक्ने प्रहरीको प्रारम्भिक अनुमान छ ।

प्रकाशित मिति: २०२४-०३-०३ , समय : १५:१६:३९ , १० महिना अगाडि