पूर्वराष्ट्रिय कुस्ती खेलाडी मण्डलको दुर्घटनामा मृत्यु

गामघर डेस्क

सप्तरी ।
सप्तरीको पूर्वराष्ट्रिय कुस्ती खेलाडी तिलाठी कोईलाडी गाउँपालिका वडा न.–२ लौनियाका ५० वर्षीय श्याम मण्डलको सवारी दुर्धटनामा मृत्यु भएको छ ।
जिल्लाकाे राजविराज नगरपालिका वडा न.–११ स्थित पम्प नहरको सडक खण्डमा स ४ प ३२७५ नम्बरको मोटरसाइकल अनियन्त्रित भइ दुर्घटना हुँदा पूर्वराष्ट्रिय कुस्ती खेलाडी मण्डलको मृत्यु भएको हो ।
बुधबार राति १० बजेतिर दुर्घटनामा परि गम्भीर घाइते भएका मण्डलको छिन्नमस्ता अस्पताल राजविराजमा उपचारको क्रममा राति पौने १२ बजे मृत्यु भएको जिल्ला प्रहरी कार्यालय सप्तरीका सुचना अधिकारी तथा प्रहरी नायव उपरीक्षक नरेश कुमार सिंहले बताउनुभयो ।

प्रकाशित मिति: २०२३-०३-०९ , समय : १२:५३:०८ , २ वर्ष अगाडि