भ्यालेन्टाईनडे मनाउन गएकी बालिकालाई होटेलमा लगेर प्रेमीले गरे बलात्कार, प्रेमीका पक्राउ
मिति: २०२४-०२-१५ , समय : १०:५७:२५ , गामघर डेस्क
तस्बिर : सामाजिक सन्जालबाट
गामघर डेस्क
सिरहा । सरस्वति पूजाको दिन भ्यालेन्टाइन डे मनाउन गएकी एक बालिकालाई उनका प्रेमीले बलात्कार गरेको घटना सार्वजनिक भएको छ ।
बुधबार घरबाट सरस्वति पूजा भन्दै भ्यालेन्टाइन डे मनाउन प्रेमीसँग निस्केकी बालिका (ललिता नाम परिवर्तन) लाई सिरहाको लहानस्थित एक होटेलमा लगेर बलात्कार गरेको हाे ।
बुधबार दिउँसो घरबाट निस्केकी ललितालाई उनका प्रेमीले लहानको होटेलमा लगेको र बलात्कार गरेको प्रारम्भिक ब्यान दर्ज गरिएको हो । 
सिरहाको बरियारपट्टि नगरपालिका बस्ने बालिकालाई सिरहाको सुखिपुर नगरपालिका वडा नं. २ बस्ने एक युवकले बलात्कार गरेको परिवारजनले जनाएको छ । सोही आरोपमा एक युवक पक्राउ परेका छन् । उनको नाम भने अहिले सार्वजनिक गरिएको छैनन् ।
यता बालिका रक्ताम्य अवस्थामा होटेलमै अचेत देखिएपछि प्रहरीलाई खवर गरिएको थियो । प्रहरी घटनास्थल पुगेर सर्च अपरेशन चलाउँदै एक जनालाई बालिकाको बयानको आधारमा पक्राउ गर्न सफल भएको हो ।
प्रकाशित मिति: २०२४-०२-१५ , समय : १०:५७:२५ , ११ महिना अगाडि
