सप्तरीमा अटो आफै अनियन्त्रित भएर दुर्घटना हुँदा एकजनाको मृत्यु

गामघर डेस्क

राजविराज । सप्तरीमा हुलाकी सडक खण्डमा अटो आफै अनियन्त्रित भएर दुर्घटना हुँदा एकजनाको मृत्यु भएको छ ।

सप्तरीको बिष्णुपुर गाउँपालिका वडा न. १ जमुनी स्थितमा हिजाे पश्चिमबाट पुर्वतर्फ जाँदै गरेको ना ३ स ९६३० नं.को अटो दुर्घटना हुँदा खडक नगरपालिका वडा न.८ बिसनपुर बस्ने ४० वर्षीया आमना खातुनको मृत्यु भएको जिल्ला प्रहरी कार्यालय सप्तरीले जनाएको छ ।

उक्त अटो दुर्घटना हुँदा ६ जना सवार रहेकोमा खातुनको शरीरको विभिन्न भागमा चोट लागी बेहोस भएकोमा उपचारको लागी गजेन्द्र नारायण सिंह अस्पताल राजबिराजमा पुर्‍याइएकोमा चिकित्सकले मृत घोषणा गरेको जिल्ला प्रहरी कार्यालय सप्तरीका डिएसपि एव प्रबक्ता नरेशकुमार सिंहले जानकारी दिनुभयो ।

लास सोही अस्पतालको शव गृहमा सुरक्षित राखिएको र अर्का घाइते भएका बिष्णुपुर गाउँपालिका ६ कटिटोल बस्ने ५५ वर्षीय लक्ष्मि रामको उपचार भइरहेको प्रहरीले जनाएको छ ।

बाँकी सवारहरु सुरक्षीत रहेको तथा अटो र अटो चालक प्रहरी नियन्त्रणमा रहेको जिल्ला प्रहरी कार्यालय सप्तरीले जनाएको छ ।

प्रकाशित मिति: २०२३-०३-०९ , समय : ०७:२३:०६ , २ वर्ष अगाडि