सप्तरीमा युवककाे हत्या गरेर कोसीमा फालेको परिवारको दाबी , हत्या आरोपमा दुई जना युवक पक्राउ

गामघर डेस्क

राजविराज । सप्तरीको हनुमाननगर कंकालिनी नगरपालिका वडा न. १ भारदहस्थित कोसी ब्यारेजमा एक जना यूवकको शव हिजाे शनिवार फेला परेको छ ।
जिल्लाकाे हनुमाननगर कंकालिनी नगरपालिका वडा नम्बर ५ योगिनियाँ निवासी १९ बर्षिय रुपेश कुमार मुखियाको शव कोसी ब्यारेजको ४१ नम्बर ढोकामा फेला परेको हो ।
गत माघ ११ गते पूणिर्माको दिन लाग्ने कोसी मेला भर्न गाउँले साथिहरुसित रुपेश पनि गएका थिए । सोही दिनदेखि हराई रहेका रुपेशको आज शव बरामद भएको र पोष्टमार्टमका लागि धरानस्थित विपी कोईराला स्वास्थ्य विज्ञान प्रतिष्ठान पठाईएकाे जिल्ला प्रहरी कार्यालय सप्तरीले जनाएको छ । यता मुखियाकाे हत्यामा सङ्लग्न गरेको अाराेपलमा प्रहरीले दुई जनालाई नियन्त्रण समेत लिएका छन् । यता उक्त घटनाको वास्तविक छानविन गरि दाेषी माथी कडा भन्दा कडा कारबाहीकाे माग मृतकका परिवारजनले गरेका छन ।

प्रकाशित मिति: २०२४-०२-०४ , समय : ०६:५५:३७ , ११ महिना अगाडि