सप्तरीको राजविराजमा जसपा नेपालले मनाइयो मधेश दिवस

गामघर डेस्क

राजविराज ।
मधेश प्रदेशको नामाङ्कन भएको दिनको स्मृतिमा अाज सप्तरीको राजविराजमा प्रथम मधेश दिवस मनाइएको छ । जनता जनता समाजवादी पार्टी नेपाल सप्तरीद्वारा राजविराज स्थित गजेन्द्र चौकमा मैनवत्ती प्रज्जवलन गरि प्रथम मधेश दिवस मनाएको हो । जसपा नेपाल सप्तरीका जिल्ला अध्यक्ष केदार प्रसाद यादवको नेतृत्वमा आयोजित कार्यक्रममा राजविराज नगरपालिकाकी कार्यबाहक नगरप्रमुख इसरत परविन, जसपा नेपाल निकट समाजवादी महिला संघ सप्तरीकी अध्यक्ष रमिला साह, समाजवादी युवा संघ सप्तरीका अध्यक्ष केदार प्रसाद यादव, युवा नेताहरु सत्येन्द्र यादव ,नवनित झा, समाजवादी विद्यार्थी युनियनका अध्यक्ष संजय कुमार यादव, मविव क्याम्पसका स्ववियु सभापति रंजित कुमार यादव, विघार्थि नेता श्याम कुमार यादव लगायत स्थानीय जनप्रतिनिधिहरु लगायतका जसपा नेपालका केन्द्र ,प्रदेश, जिल्ला तथा स्थानीय तहका नेता तथा कार्यकर्ताहरुको उपस्थिति रहेको थियो । मधेश प्रदेशको नामाकरण भएको १ बर्ष पुगेको अवसरमा जसपा सप्तरीले मधेस दिवस मनाएको जसपा नेपालका किशोर कुमार यादव केसिले जानकारी दिनुभयो ।

प्रकाशित मिति: २०२४-०१-१७ , समय : २२:४०:४६ , १२ महिना अगाडि