मधेस प्रदेश : श्रीमान्‌सँगै घाइते भेटिएकी अस्मिताको पनि मृत्यु, तीनजना पक्राउ

मिति: २०२४-०१-१६ , समय : १५:१४:०२ , गामघर डेस्क

तस्बिर : सामाजिक सन्जालबाट

गामघर डेस्क

जनकपुर । मधेस प्रदेशको धनुषाको क्षिरेश्वरनाथ नगरपालिका-३ पकडियामा मृत श्रीमानसँगै घाइते अवस्थामा भेटिएकी अस्मिता शर्माको पनि मृत्यु भएको छ । अस्मिताको गएराति उपचारको क्रममा प्रादेशिक अस्पताल जनकपुरधाममा मृत्यु भएको प्रहरीले बताएको छ ।

सोमबार बिहान महोत्तरी लोहारपट्टी नगरपालिका-३ महदैयाका राधे सहनी पकडियास्थित गहुँ खेतमा बिहान मृत फेला परेका थिए । राधेसँगै श्रीमती अस्मिता पनि सख्त घाइते अवस्थामा फेला परेकी थिईन् ।

चार महिनाअघि मात्र राधे र अस्मिताले प्रेम विवाह गरी क्षिरेश्वरनाथ नगरपालिकास्थित महेन्द्रनगरमा डेरा गरी बस्दै आएका थिए । ससुराली पकडियाबाट श्रीमती र अन्य दुई साथीसँग डेरा हिँडेका राधे सोमबार मृत भेटिएका थिए ।

घटनास्थललाई मोटरसाइकल दुर्घटना भएको जस्तो देखाईएको प्रहरीले जनाएको छ । तर, दुर्घटना भएको मोटरसाइकल घटनास्थलमा नभेटेपछि घटना शंकास्पद मानिएको छ ।

यता राधेसँगै अर्को मोटरसाइकलमा आइरहेका दुई युवक र दुर्घटना भएको मोटरसाइकलका धनीलाई नियन्त्रणमा लिई अनुसन्धान भईरहेको धनुषाका प्रहरी प्रवक्ता डीएसपी रञ्जन‌‌‌ अवाले जानकारी दिए ।

प्रकाशित मिति: २०२४-०१-१६ , समय : १५:१४:०२ , 1 year अगाडि

यहाँ कमेन्ट गर्नुहोस्
सम्बन्धित