पेट्रोल, डिजेल र मट्टीतेलको मूल्य फेरि घट्यो…
मिति: २०२४-०१-१५ , समय : २१:१३:५६ , गामघर डेस्क
तस्बिर : सामाजिक सन्जालबाट
गामघर डेस्क
काठमाडौं ।
नेपाल आयल निगम लिमिटेडले आज (सोमबार) रातिबाट लागू हुने गरी पेट्रोल, डिजेल र मट्टीतेलको मूल्य प्रतिलिटर एक रुपैयाँका दरले घटाएको छ।
मूल्य घटेपछि काठमाडौं उपत्यकामा पेट्रोल एक सय ६६ रुपैयाँ र डिजेल तथा मट्टीतेल समान एक सय ५६ रुपैयाँ प्रतिलिटर निर्धारण भएको छ।
सोमबार दिउँसो इन्डियन आयल कर्पोरेसन (आइओसी) बाट पेट्रोल १.२६ रुपैयाँ र डिजेल ०.८३ रुपैयाँ प्रतिलिटर घटेर आएकाले नेपाली बजारमा मूल्य समायोजन गरिएको प्रवक्ता मनोज ठाकुरले जानकारी दिए।
प्रकाशित मिति: २०२४-०१-१५ , समय : २१:१३:५६ , ११ महिना अगाडि
